Сауд Арабиянын “Аль-Хилал” клубунун жетекчилиги кышкы трансфер терезесинде 31 жаштагы бразилиялык Неймар менен келишимди токтотуу мүмкүнчүлүгүн карап жатат.
Маалыматтарга караганда, клуб сол коргоочу позициясын бекемдөөнү көздөп жатат.
Октябрда Неймар 2026-жылкы Дүйнө чемпиондугуна тандоо турниринин алкагында Бразилиянын курама командасынын Уругвайга каршы беттешинде (0:2) сол тизесинин жаракат алган. Анын калыбына келиши алты айдан ашык убакытты талап кылат.
31 жаштагы Неймар саудиялык клубга 2023-жылы жайында өткөн. Анын трансфери үчүн “Аль-Хилал” ПСЖга 90 миллион евро төлөп, футболчу өзү 2025-жылга чейин келишим түзгөн. Анын шарттарына ылайык, Неймар жылына 100 миллион евро алат.
ПСЖдан өткөндөн кийин Неймар “Аль-Хилал” үчүн 5 беттеш өткөрүп, 1 гол киргизип, 3 ассист жасады.