Казакстандын Саламаттыкты сактоо министри Ажар Гиният каза болгондон кийин донор болууга макул экенин билдирди. Бул боюнча суроого “Макулмун”,-деп жооп берип, донор болгусу келген казакстандыктардын пайызынын төмөндүгүнө токтолду.
“Көптөгөн өлкөлөрдө өлүк донору көйгөй болуп саналат. Маселе медициналык эмес, моралдык-этикалык көйгөйлөр бар. Калк өлгөндөн кийин органдарын тирүү калтырууга даяр болушу керек”,-деген министр кандай гана жаран болбосун, электрондук өкмөт аркылуу органын тапшыруу боюнча керээз кат жазса болорун эске салды. Анын айтымында, 40 миң казакстандык өз позициясын билдирип, алардын 15 пайызы макулдугун берген.
«Декабрда чоң трансплантациялар болду. Эки донор тогуз адамдын өмүрүн сактап калды. Биз талкуулайбыз жана мыйзам долбоорун даярдайбыз»,-деди Гиният. «Казакстан Халкына» фондунун маалыматы боюнча өлкөдө 4 миң адам тез арада органдарды алмаштырууга муктаж.
