“Мен саясатка алмаштыргым келбейт. Бирок, айтып коюшум керек, парламенттин кечээги жыйынында кабыл алынган чечим туура эмес. Ал желек элдики, аны легендарлуу парламент кабыл алган”,- деп билдирди Кыргыз Эл баатыры Медеткан Шеримкулов. Ал мамлекеттик катчы Сүйүнбек Касмамбетовго кайрылып, “элди угуп жүргүлө, элди укпаган бийлик жакшы болбойт”,- деди. Медеткан Шеримкуловдун сөзүн кубаттап, залда отургандар катуу кол чабышты.
Улуттук тарых музейинде “Кыргыздар” китебинин 40 томдон турган бет ачаары өтүп жатат. Ага коомдук ишмерлер, депутаттар, мамлекеттик жана саясий ишмерлер катышууда.
