Улуттук баскетбол ассоциациясынын (NBA) алты жолку чемпиону Майкл Джордандын 1992-жылы Олимпиадада баскетбол боюнча жарым финалда Литва менен ойногон футболкасы аукциондо 3,03 миллион долларга сатылды. Бул тууралуу “ Goldin Auctions” аукцион үйүнүн сайтында маалымдалды.
АКШнын улуттук курама командасынын мурдагы оюнчусу Карл Мэлоун беттешке катышкан командалаштарынын футболкаларын аукционго койду. Ошондой эле Ларри Берд (360 миң доллар), Мэжик Джонсон (336 миң доллар), Чарльз Баркли (230 миң доллар) жана башкалардын формалары сатылды.
Буга чейин Джордандын 1998-жылкы НБА формасы, ошондой эле 1998-жылы Юта менен болгон NBA финалынын 2-оюнундагы бут кийими 10 миллион долларга сатылган. Атын атабаган сатып алуучу бут кийимди 2,2 миллион долларга сатып алган.
Эске салсак, Майкл Джордан – эки жолку Олимпиада чемпиону (1984, 1992).
