Төлөйкөн ат майданындагы көкбөрү оюнунда коомдук тартипти бузган жана чагымчылдык аракеттерди жасаган 25 жаран аныкталып, Ош облустук ички иштер башкармалыгынын кызматкерлери тарабынан кармалып келинди. Бул тууралуу облустук милициядан кабарлашты.
Маалыматка ылайык, азыркы учурда тергөө-оперативдик тактоо иштери жүрүп жатат.
Окуя боюнча мыйзам бузууларга, коомдук тартипти бузууга жана чагымчылдык жасооого байланышкан жагдайлар аныкталса мыйзам чегинде жоопкерчиликке тартылышат. Ал эми ооруканга 7 жаран кайрылган, анын ичинен 1 кызматкер бар.
Мындан сырткары, Ош облустук Тез жардам кызматынын Форд-Транзит үлгүсүндөгү унаасынын терезелери талкаландыгы боюнча нөөмөт бөлүгүнө кабар келип, маалыматтык электрондук журналына катталган.
