Өнүктүрүү фонддору аркылуу Кыргызстанга тартылган инвестициянын көлөмү 50%га өстү. Бул тууралуу экономика жана коммерция министри Данияр Амангелдиев маалымат жыйында билдирди.
Кийинки жылы Кыргыз-Азербайжан өнүктүрүү фонду Кыргызстандагы долбоорлорду каржылай баштай тургандыгын айткан министр 2023-жыл аралыгында долбоорлорду ишке ашыруу жана ишке киргизүүгө багытталган каражат Улуттук банкка которулгандыгын белгиледи.
. Муну менен катар өнүктүрүү фонддору аркылуу Кыргызстанга тартылган инвестициянын көлөмү 50%га өскөнүн айтты.
“Өткөн жылы Кыргыз-орус өнүктүрүү фонду эле 60 млн доллар каржыласа, быйыл Финансы министрлигинин кепилдик институттарынын жана ири долбоорлордун аркасында инвестициянын көлөмү 150 млн доллардан ашты. Мындан тышкары, Кыргыз-орус жана Кыргыз-венгер өнүктүрүү фонддору активдешип, Бириккен Араб Эмираттары менен да фонд түзүлдү”, – деп кошумчалады Амангелдиев.
