Португалиялык футболчу Криштиану Роналду Сауд Арабиянын чемпионатынан кетиши мүмкүн. Бул тууралуу испаниялык «Mundo Deportivo» басылмасы жазып чыкты.
Маалыматка ылайык,38 жаштагы португалиялык футболчу “Аль-Наср” клубу менен келишимин мөөнөтүнөн мурда бузууну ойлонуп жатат.
Буга Роналдунун Сауд Арабиядагы жашоосу себеп болгон. Анын европалык жашоо образынан айырмаланган өлкөнүн жашоосу канааттандырбайт.Ошондуктан футболчу Европага кайтып келет.
Эске салсак, атактуу футболчу “Аль-Насрдын” курамына 2023-жылдын январында кошулган. Саудиялык клуб үчүн ал 17 беттеш өткөрүп, 17 гол киргизген. Анын мурунку клубу “Манчестер Юнайтед” болгон, ал жаңжал менен кеткен.
