Ирандын Улуттук коопсуздук боюнча Жогорку кеңеши 44 жылдан бери биринчи жолу аялдарга эркектер арасындагы футбол беттештерине көрүүгө уруксат берди. Бул тууралуу ISNA агенттиги кабарлады.
Ирандын футбол федерациясынын башчысы Мехди Таж: «Муну кантип ишке ашырууну чечүү үчүн жумушчу топ түзүлдү», – деди. Ал өлкөдө аялдардын спортуна арналган радио да түзүлөт деп айтты.
Адегенде кыз – келиндерди өлкөнүн түрдүү провинцияларындагы төрт аренага кабыл алынат: Сиржан шаарындагы “Гол Гухар”, Исфахандагы “Накш-е Жахан” жана Фулад Шехр . Тегерандагы «Азади» стадиону да жакында даярдалат.
Белгилей кетсек, 1979-жылдагы Ислам революциясынан кийин аялдарга эркектер катышкан оюндарга барууга тыюу салынган. Кээ бир учурларда аларды бейрасмий түрдө стадиондорго киргизип коюшкан, мисалы, 23-марттагы Орусия менен Ирандын жолдоштук беттешине (1:1) кыз келиндер көрүүгө келишкен.
