2024-жыл “Кыргыз мамлекеттүүлүгүнүн жылы” болсун деп “Элдик” фракция тобунун депутаты Кубаныч Самаков сунуштады. Бул тууралуу ал бүгүн, 26-октябрда парламенттин жалпы жыйынында сөз алып, 1924-жылдын 14-октябрында СССРдин курамында алгачкы жолу Кара Кыргыз автономиялуу облусу түзүлүп, кайра макамыбыз 1926-жылы автономиялуу Республикага көтөрүлгөнүн, 100 жылдан бери туруктуу өнүгүүнүн натыйжасында өлкөнү өнүктүрүү менен Эгемендүү эл болгонубузду айтты.
Андыктан, келаткан жаңы жылды “Кыргыз Мамлекеттүүлүгүнүн жылы” деп атоого толук негиз бар экени айтылып, депутаттарга жана президентке сунуш берилди.