1-Камбар-Ата ГЭСинин долбооруна Дүйнөлүк Банк 5 млн доллар которот. Анын 3 млн доллары үстөк пайызсыз кредит, 2 миллиону грант катары берилет.
“Камбар Ата боюнча Кыргызстан-Өзбекстан-Казакстан меморандумга кол койгон. Бирок, келишимдин жол картасы азыр аныктала элек. Божомол менен алганда Кыргызстандын үлүшү 10,34 пайызды түзөт. Ал эми кошуналардыкы 33 пайыз болушу мүмкүн”,-деп билдирди энергетика министринин орун басары Таалайбек Байгазиев. Учурда даярдык иштерине минфин 1 млрд 550 млн сом бөлгөнү, ага туннель, көпүрө, жол жана подстанциялардын линиялары курулуп жатканы белгилүү болду.