Бүгүн, 28-ноябрда Кыргызстандын мамлекеттик туусун өзгөртүү боюнча мыйзам долбоору Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитетинде каралды.
Комитет жыйынында депутат Дастан Жумабеков бул маселе боюнча референдум өткөрүү керектигин айтып, “Эл менен эсептешип, таразага салып көрөлү. Көпчүлүк эмне десе, ошол жакка кадам таштайлы. Ошондуктан Конституцияга таянып, элден сурасак ашыкча болбос”, -деди .
Эске салсак, Жогорку Кеңештин сайтына мамлекеттик символдор жөнүндөгү мыйзамды өзгөртүү тууралуу долбоор коомдук талкууга коюлган.