Бишкектик таэквондочулар Казакстандын Алматы шаарында өткөн «Dream Cup Open 2023» эл аралык турниринде 20 медалга ээ болушту. Бул тууралуу мэриядан билдиришти.
Маалыматка ылайык, 15-17-декабрь күндөрү өткөн олимпиадалык WT таэквондо боюнча мелдешке Раатбек Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары катышып, 5 алтын, 4 күмүш жана 11 коло медаль жеңди.
Турнирге Казакстан, Өзбекстан жана Кыргызстандан 1200гө жакын спортчу катышты.
