Бишкектин Ала-Тоо аянтында, Эркиндик бульварында, Жогорку Кеңештин алдында, Панфилов паркында жана Чүй проспектисинде, президенттик администрациянын алдында митинг, пикет өткөрүүгө тыюу салынган Биринчи май райондук сотунун чечими ушул жылдын 30-июнуна чейин узартылды. Ошондой эле Таттыбүбү Турсунбаева атындагы гүл бакта, Жогорку Соттун жана Орусиянын Кыргызстандагы элчилигинин алдында, УКМКнын жанында митинг өткөрүүгө болбойт.
Ал эми чогулуш, тынчтык акцияларды Рыскулов менен Н.Исанов көчөлөрүнүн кесилишиндеги М.Горький атындагы скверде өткөрүү мыйзамдуу деп көрсөтүлгөн.
Бишкектин айрым жерлеринде нааразычылык акциясына тыюу салган чечим 2022-жылы чыккан.
