Бишкек шаарында дзюдо боюнча эркектер жана кыз-келиндер арасында «Эр Жанек» ачык Азия Кубогу өтөт. Бул тууралуу Дене тарбия жана спорт департаментинен билдиришти.
Мелдеш 10-11-июнда өтүп, анда жалпы 9 өлкөнүн (Багама Аралдары, Беларус, Казакстан, Литва, Непал, Түркмөнстан, АКШ, Өзбекстан жана Кыргызстан) 200дөн ашык спортчусу күч сынашат.
Кыргызстандын атынан бул мелдешке 62 спортчу катышат.
Белгилей кетсек, Азия Кубогунун жеңүүчүлөрү 2024-жылы Парижде өтө турган Олимпиада оюндарына лицензия ойнотулчу мелдештерге катышуу үчүн упай топтошот.
