Бүгүн, 18-декабрда Бишкекте бир нече мектептин имаратында жардыруучу зат орнотулганы тууралуу маалыматтан улам окуучулар, мугалимдер эвакуацияланды. Бул тууралуу маалыматты Бишкек шаардык ички иштер башкармалыгы ырастаган.
Маалыматка ылайык, милицияга №33, 89 жана 67-мектептерге жардыргыч заттар коюлган делген маалымат келип түшкөн.
Учурда жеринде милиция кызматкерлери мектеп окуучуларын жана мугалимдерди толук эвакуациялоо иштерин жүргүзүүдө.
