Алымкадыр Бейшеналиев Саламаттык сактоо министринин милдетин аткаруучу болуп дайындалды. Бул тууралуу президенттин басма сөз кызматы кабарлады.
Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 70-беренесинин 1-бөлүгүнүн 2-пунктуна ылайык Бейшеналиев Алымкадыр Савирдинович Кыргыз Республикасынын саламаттык сактоо министринин милдетин аткаруучу болуп дайындалды.
Кыргыз Республикасынын саламаттык сактоо министринин кызмат ордуна дайындоо үчүн Бейшеналиев Алымкадыр Савирдиновичтин талапкерлиги Кыргыз Республикасынын Жогорку Кеңешине макулдашуу үчүн киргизилди.
