Өкмөт тоого жалгыз чыгууга тыюу салды

Непалдын өкмөтү өлкөнүн бардык аймагында жалгыз тоого чыгууга тыюу салды. Алыскы туристтик маршруттар боюнча саякаттоону пландаган саякатчылар мамлекеттик лицензиясы бар гид жалдап же топко кошулушу керек.
Өлкөдө бул тармак олуттуу киреше алып келгени менен жоголгон жалгыз саякатчыларды издөө жана куткаруу иштери кымбатка туруп жатат. Непалдын Туризм кеңешинин директорунун айтымында тоолордо инфраструктура жетишсиз, дагы бир көйгөй лицензиясы жок гиддер жана туристтик компаниялар. Алар мамлекеттик каттоодон өтүшпөйт жана салык төлөшпөйт. Андыктан, Непал өкмөтүнүн ар бир туристти өзүнчө текшерүүгө мүмкүнчүлүгү жок жана жалпы тыюу салуу чечимин кабыл алды.