Россиянын коргоо министри Сергей Шойгу аскердик операция жүрүп жаткан аймактагы Батыш күчтөрү тобунун алдыңкы командалык пунктун текшерди. Анда ал батыш группасынын командири генерал-полковник Евгений Никифоровдун азыркы абал боюнча баяндамасын укту. Шойгу аскерлер тобунун командирлери менен да жолугушуу өткөрдү.
Бул Сергей Шойгунун Вагнердин жетекчиси Евгений Пригожин козголоң чыгарган 23 жана 24-июндагы окуялардан кийинки биринчи көрүнүшү.
27-июнда күтүлгөн аба ырайы
27-июнь түнкүсүн жаан-чачын болбойт. Күндүз Ысык-Көл, Нарын облустарынын айрым жерлеринде, Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда мезгил-мезгили менен жаан жаап, күн күркүрөшү күтүлөт. Абанын температурасы: Чүй облусунда түнкүсүн +13…+18, күндүз +30…+35, Талас облусунда түнкүсүн +10…+15, күндүз +25…+30, Баткен, Ош, Жалал-Абад аймактарында түнкүсүн +15…+20, күндүз +30…+35, […]
