26°
УЕФА Чемпиондор Лигасынын 2022/23-жылкы финалын Стамбулдан башка өлкөгө көчүрүү маселесин карап жатат. Бул тууралуу чет элдик спорт басылмалары жазышууда.
Маалыматка ылайык, уюмду мындай чечимге түрткү болушу Түркиядагы президенттик шайлоонун экинчи айлампасы өткөндөн кийин боло турган нааразычылыктар экендиги айтылууда.
Стамбул буга чейин эки жолу футбол боюнча Европанын негизги кубогунун финалын өткөрүү укугунан ажыратылган. 2020-жылы матчка коронавирустук пандемия тоскоол болгон жана бир жылдан кийин дагы болбой калган.
Эске салсак, Чемпиондор Лигасынын биринчи жарым финалында «Реал» менен «Манчестер Сити» 1:1 эсебинде тең чыгып, Милан «Интерге» 0:2 эсебинде утулуп калган. Жооптук беттештер 16 жана 17-майда өтөт.
