Төраганын ар намысын ким коргойт?

Журналист Бекен Назаралиев Жогорку Кеңештин төрагасы Нурланбек Шакиевдин бейнеси тууралуу пикирлерин калемге алып, ага катуу айыптоолорду таккан. Анда журналист төраганын экинчи никесинен төрөлгөн уулуна фамилиясын бере албай жатканын, байбичесине билинип калып, чоң жаңжал чыкканын айтып, аны түркөй жана эки жүздүү деп белгилеген. Төраганын Курманбек Бакиев, Адахан Мадумаров жана «Ата Журт» партиясы менен болгон мамилесин, өкүл атасын, кызматтарын, ошондой эле адамдык касиетине токтолуп, өзүнүн баасын берет. Жогорку Кеңештен кимдерди кетиргенин да жазган. Төрага айтылгандар боюнча сотко кайрылабы же, унчукпай калууну туура көрөбү, аны мезгил көрсөтөт.