28°
Тоо-кен казып алуу ишканалары тарабынан продукцияларды, жумуштарды жана кызматтарды сатуудан түшкөн дүң киреше 12 миллиард 131,4 миллион сомду түздү. Бул тууралуу Улуттук статистикалык комитетинин 2023-жылдын биринчи кварталындагы ишинин жыйынтыгын чагылдырган каржылык маалыматтарында айтылат.
Маалыматка ылайык, 9 миллиард 156,7 миллион сом продукцияны чыгарууга жана сатып өткөрүүгө кеткен чыгымды түзгөндүгү белгиленген. Бул чыгымдарды эсепке алганда тоо-кен тармагынын ишканалары алган жалпы пайда 2 миллиард 974,7 миллион сомго жетти.
Мындай оң натыйжага карабастан, кен казуучу ишканалардын кирешеси менен чыгашасынын айырмасы болгон таза жыйынтык жыл ичинде 57,2%га төмөндөп, 1 млрд 222,5 млн сомго жеткенин белгилей кетүү керек.
