25°
20-июнда Казакстандын президенти Касым-Жомарт Токаев Акордада Германиянын президенти Франк-Вальтер Штайнмайер менен жолугушууда казак мунайынын Германияга жеткирилишин жана Россияга каршы санкцияларды талкуулашты.
Казакстан буга чейин 20 миң тонна мунайдын алгачкы партиясын жөнөткөн. Келечекте бул көлөмдү айына 100 миң тоннага жеткирүү пландалууда.
«Биз эл аралык абалдын курчушу жөнүндө айттык. Агрессивдүү согуш доорлордун өзгөрүшүнө алып келди, бул Германия жана ЕБ жөнүндө гана эмес, бүткүл дүйнө жөнүндө да айтууга болот. Россиянын Украинага каршы согушу бүткүл дүйнө жүзүндөгү элдерге терс таасирин тийгизүүдө. Айрыкча Россиянын жакынкы коңшусу болгон өлкөлөр үчүн. Бул жерде мен дагы бир жолу казак өкмөтүнүн эл аралык укуктун үстөмдүгүнө жана эл аралык эрежелерге негизделген тартипти сактоого карата айкын позициясын баса белгилегим келет. Бул үчүн биз, президент Токаев, Сизге ыраазыбыз”,-деди Франк-Вальтер Штайнмайер.
