Президент Садыр Жапаров Кытайга мамлекеттик сапар менен барат. Бул тууралуу Кытайдын Кыргызстандагы элчиси Ду Дэвэнь журналисттер менен болгон жолугушууда билдирди.
Анын айтымына караганда, Кыргызстандын президентинин мамлекеттик визити 2023-жылдын май айына пландалган.
“Иш сапардын алкагында Садыр Жапаров Кытай-Борбордук Азия саммитине дагы катышат. Азыр эки тарап тең иш-чарага активдүү даярданып жатышат. Биз бул иш-чара чоң ийгиликтер менен аяктап, эки мамлекеттин мамилелерин жаңы деңгээлге чыгарат деп ишенебиз”, – деп кошумчалады.
