20°
«Армения Жамааттык коопсуздук келишим уюмунан (ЖККУ) чыгуу чечимине келе элек. Ереван кийинки кадамдары тууралуу ойлонууга убакыт берип жатат». Армениянын премьер-министри ЖККУнун ноябрь айынын аягына белгиленген жыйынына катышпоо чечимине ушундай комментарий берди.
«Эң чоң фундаменталдуу көйгөй – ЖККУ Арменияда өзүнүн жоопкерчилик чөйрөсүн бекитүүдөн баш тартууда. Эгерде биз ЖККУнун иш-чараларына бул шарттарга унчукпай катышсак, Армениянын аймактык бүтүндүгү жана эгемендүүлүгүнө шек туудурган логикага кошула алабыз»,-деди Никол Пашинян Армения парламентинде сүйлөп жатып.
Пашинян 23-ноябрда Минскиде өтө турган ЖККУнун жыйынына катышуудан баш тарткан. Анын бир нече себептери бар экенин айткан.
