Ош шаарына жаңы полигон курулат. Мындай маалыматты калаа башчысынын орун басары Сонунбек Жунусбаев билдирди. Ал шаарды ар тараптан өнүктүрүү максатында мэр Бакытбек Жетигеновдун аракетин белгилеп, көп жылдан бери чечилбей келген Ош шаарынын таза суу маселеси чечилүү алдында тураарын айтты. Жаңы полигон эң алгач шаардын тазалыгы үчүн шарт түзөт. Учурда долбоордун экологиялык таасири боюнча коомдук талкуу жүрүп жатат.
Сонунбек Жунусбаев 1985-жылы Кара-Суу районунда туулган. Белоруссия, Казакстан жана АКШда саясий билимин өркүндөтүү менен тажрыйба алмашып келген. 2021-жылы Ош шаарынын вице-мэрлик кызматына дайындалган.
