Ош шаарындагы айрым мектептерде бир класста 70-80 окуучу окуп жатат. Бул тууралуу Жогорку Кеңештин Бюджет, экономикалык жана фискалдык саясат комитетинин жыйынында депутат Таалайбек Сарыбашов билдирди.
Эл өкүлү Ош шаарындагы айрым мектептерде бир класста 70-80 окуучу окуп жатканын айтып, курулушу башталып, бирок, бүтпөй турган мектептерди бүтүрүү керектигин белгиледи.
“Бишкек, Ош шаарлары өзүнүн мүмкүнчүлүгү бар деп жатасыңар. Бирок, мектептер жетишпей жатат. Азыр ички миграция күчөдү. Ошонун негизинде, шаар ичиндеги мектептер толуп, ашыкча балдарды окутуп жатышат”,- деди депутат.