13°
Кечээ белгилүү агартуучу, «Сапат» билим берүү мекемелеринин негиздөөчүсү жана «Даңк» орденинин ээси Орхан Инандынын соттук отуруму болуп өттү. Мындай маалыматты анын жактоочусу билдирди. Орхан Инанды өзүнө коюлган айыптарды четке кагып, бала окутуп , келечек муунду тарбиялоодон башка эч нерсе кылбаганын айтып келет. Ал мындан 2 жыл мурун 31-май күнү түнкү саат 23:30 чамасында качырылган. Бир айдан кийин оң колу сынган абалда Анкарадан дареги чыккан. Түркиянын президенти Режеп Тайип Эрдоган аны Түрк коопсуздук кызматтары качырып келгенин жарыялаган эле. Учурда ал Синжан түрмөсүндө кармалып турат. Белгилүү болгондой, кийинки соттук отурум ушул жылдын 16- июнуна жылдырылды.
