Муфтий жаңы дайындоолорго кол койду

Кыргызстандын муфтийи чет элде иштеп, жашаган Кыргызстандыктар үчүн айрым өлкөлөрдө муфтияттын өкүлчүлүгүн ачты. Ага ылайык Абдышүкүр Нарматов Орусиянын Азия бөлүгү боюнча өкүлү болуп дайындалды. Орусиянын Европа бөлүгү боюнча Самидин Атабаев, Сауд Арабиядагы өкүлү Абдували Акматов, Мисирдеги өкүлчүлүгүнө Акылбек Тагаев жана Иорданиядагы өкүлү болуп Элдияр Көбөнов дайындалышты. Муфтий Замир кары Ракиев чет элде жашаган мекендештерге диний кызматты жакшыртуу максатын көздөп, аалымдарды жаңы кызматтарга дайындады.