19°
Америкалык миллиардер Илон Маск күнүнө алты саат уктап, жумасына жети күн иштей турганын, анткени, убакыт жалгыз чыныгы валюта экенин айтты.
Маск CNBC телеканалына берген маегинде: «Убакыт – бул жалгыз чыныгы валюта»,-деди ишкер.
Ушул себептен Twitter социалдык тармагынын башкы директору кызматынан кетүүнү чечкенин айткан Маск өзүнүн башка Tesla жана Space X компанияларына көңүл бурууну пландаштырып жатканын кошумчалады.
Масктын айтымында, ага болгону 6 саат уктоо керек. Ал азыраак уктоого аракет кылган, бирок андан өндүрүмдүүлүктүн төмөндөп кеткенин сезген. Ишкердин айтымында, ал жумасына жети күн иштеп, жылына эки-үч күн гана эс алат.
