Медетбек Букуев бийликтин эң ишеничтүү адамыбы?

Президент Садыр Жапаровдун кеңешчилигине аттанган Медетбек Букуев өлкөдө таасирдүү делген айрым саясатчылар менен жолугушуп жүргөнү тар чөйрөдө айтылып жатат. Ал саясатчылардын тамырын кармап, бийлик менен саясатчылардын ортосунда көпүрөлүк кызматты аркалап жатканы боюнча маалыматтар тарады. Кабинетте эле отура бергенге караганда бул көрүнүктүү иш экени талашсыз. Медетбек Букуев президенттин агайы экенин эске алганда бийликтеги эң ишеничтүү адамы деп айтууга болобу? Анда кызмат эңсегендер Кеңешчинин эшигин каккылап, жүдөтүп коюшпайбы?