Англиялык «Манчестер Сити» италиялык «Интерди» утуп, тарыхында биринчи жолу Чемпиондор Лигасынын жеңүүчүсү болду.
Чемпиондор Лигасынын 2022/23 сезонунун финалдык беттешинде “Манчестер Сити” клубу “Интерди” 1:0 эсебинде утуп алды. Беттештеги жалгыз голду жарым коргоочу Родри 68-мүнөттө киргизди. Оюн Стамбулдагы “Ататүрк Олимпиат” стадионунда өттү. “Манчестер Сити” өз тарыхында биринчи жолу Чемпиондор Лигасынын кубогуна ээ болду.
“Манчестер Ситинин” чабуулчусу Эрлинг Холланд Чемпиондор Лигасынын эң мыкты бомбардири аталды. 22 жаштагы оюнчунун эсебинде 11 беттеште 12 гол. Чабуулчу ошондой эле сезондун жыйынтыгында Премьер-Лигада 36 гол киргизип, “Алтын бутса” сыйлыгын алган.
