Бүгүн, 15-июнда Кытайдын Чжэцзян провинциясынын байыркы Лянчжу шаарында XIX Азия оюндарынын оту жагылды.
XIX Азия оюндары Ханчжоу шаарында 23-сентябрдан 8-октябрга чейин өтөт.
Азия оюндары Кытайда үчүнчү жолу өтөт. 1990-жылы мелдеш Пекинде, 2010-жылы Гуанчжоуда өткөн. Азия оюндарын уюштуруу комитетинин маалыматы боюнча, Ханчжоу шаарында өтүүчү XIX Азия оюндарынын спорттук программасына спорттун 40 түрү, 61 дисциплина жана 483 иш-чара киргизилген.
Белгилей кетсек, Ханчжоудагы Азия оюндарына Азия өлкөлөрүнөн 12 миңден ашык спортчу катышат.
