Кыргыз тилин билбегендер кызматтан бошотулат

Эгер орус тилдүү жарандарыбыз кыргыз-тилин билбесе же, үйрөнбөсө, ээлеген кызматтарынан бошотулат. Мындай маалыматты Улуттук тил комиссиясынын төрагасы Каныбек Осмоналиев билдирди. «Ушул кезге чейин мамлекеттик мекемелерде кыргыз тилинде иш алып баруу аксап келген экен. Былтыртан бери биз текшерип жатабыз»,-деди. Депутат Кундузбек Сулайманов болсо, «эң алгач, сиз бекем туруп, эне тилибиз боюнча маселеде күмөндүү жооп бербеңиз. Сиздин артыңызда биз турабыз»,- деп айтты Каныбек Осмоналиевге парламент жыйынында. Кечээ Жогорку Кеңеш «Кыргыз Республикасынын мамлекеттик тили жөнүндө Кыргыз Республикасынын конституциялык мыйзамынын долбоору» боюнча маселе карап, аны 2-окууда 90 пайыз добуш менен кабыл алып беришти.