Кыргызстандык спортчулар Минскте өтө турган КМШ өлкөлөрүнүн II оюндарына катышат. Бул тууралуу маданият, маалымат, спорт жана жаштар саясаты министри Алтынбек Максутов Беларус элчиси Андрей Страчко менен жолугушууда белгилүү болду.
Жолугушууда тараптар эки тараптуу маданий кызматташтыкты жандандыруу жана активдештирүү зарылдыгын белгилешти.
Андан ары 2023-жылдын август айында Минск шаарында өтө турган КМШ өлкөлөрүнүн II оюндары талкууланды.
Страчко министрди КМШнын II оюндарынын ачылышына чакырып, ошондой эле кыргызстандык спортчулардын дараметин эске алуу менен кыргыз тарапты активдүү катышууга чакырды.
Министр өз кезегинде алдыдагы оюндарга Кыргызстандын спорттук делегациясы спорттун 15тен ашык түрү боюнча катышууну пландап жатканын белгилеп, КМШ өлкөлөрүнүн биринчи спартакиадасына Кыргызстандын атынан спорттун 13 түрү боюнча 157 спортчу катышкандыгын билдирди.
Кыргызстандык куткаруучулар Түркиядан кайтып келишти
Бүгүн, 21-февралда Кыргызстандык куткаруучулар Түркиядан кайтып келишти. Бул тууралуу Өзгөчө кырдаалдар министрлигинен билдиришти. Кыргыз куткаруучулары жалпы 8 кишини уранды астынан тирүү алып чыкса, 198 кишинин сөөгүн тапты. Аларды тосуп алуу салтанаттуу иш-чарасы “Манас” эл аралык аэропортунда болду. Министр Бообек Ажикеев баш болгон ӨКМ жетекчилиги, Түркиянын Кыргызстандагы элчиси Ахмет Садык Доган […]
