Сауд Аравиянын “Аль-Наср” жана Португалия футбол курамасынын чабуулчусу Криштиану Роналду спорттук карьерасын качан таштоону пландап жатканын айтты. Бул тууралуу чет элдик басылмалар жар салышты.
“Карьерамдын эки-үч жылы калды, ушул куракта өзүмө кам көрүү андан да маанилүү. Мен футболдук команда сатып аларымды жокко чыгарбайм. Футболдук карьерамдан кийин ушундай кылгым келет”, – дейт Роналду.
Белгилей кетсек, Роналду “Аль Наср” клубунда 2023-жылдан бери ойноп келет. Чабуулчунун клуб менен келишими 2025-жылга чейин түзүлгөн. Сауд Аравиясынын чемпионатынын алкагында португалиялыктар 16 беттешке катышып, 14 гол киргизип, 2 пас берген.
