10°
Конституциялык соттун чечимине ылайык мындан ары Жогорку Кеңештин депутаттарын кылмыш жоопкерчилигине тартуу үчүн Жогорку Кеңештин макулдугу алынбайт. Мындай чечимди Конституциялык сот 23-май күнү кабыл алган. Депутат Жанар Акаев мындай чечимден кийин регламентти да өзгөртүү керек экенин айтты. «Эмнеге мындай чечим чыгардыңар, биздин атыбыздан өкүл катыштыбы десем, Төлөндү Самаков деген жаран «эмне үчүн депутаттарга Жогорку Кеңештин макулдугу менен иш козголушу керек? Мыйзам баарына бирдей болушу керек да деп кайрылыптыр. Аны биздин министрлер кабинети туура көрүптүр»,- деп билдирди депутат. Мындан улам Парламентте Конституциялык Соттун төрагасын кызматтан алуу демилгеси көтөрүлдү.
Эмил Өскөнбаев учурда Конституциялык Соттун төрагасы. Ал бул кызматка 2022-жылы дайындалган. 1964-жылы Нарын облусунда туулган.
