26°
Украинанын Кахов ГЭСинин дамбасынын жарылуусунан улам 5 киши көз жумду. 29 киши дайынсыз экенин кабарланууда. Херсон облусунун 50дөй калктуу пункттары суу алдында калды. Өлкөнүн ички иштер министрлиги суу алдында калган 30дай айылды Киев көзөмөлдөп жатканын, 2.5 миңден ашуун адам башка жакка көчүрүлгөнүн, Николаев облусунун 30дай конушун суу каптап, 1000 чукул тургундар көчүрүлгөнүн маалымдады.
6-июндун түнүндө Кахов ГЭСинин дамбасы жардырылган. Бул боюнча Орусия менен Украина бири- бирин күнөөлөп келет. Украина бийлиги иликтөө өтүнүчүн билдирип, Гаагадагы Эл аралык кылмыш сотуна кайрылган. Түркиянын президенти болсо, атайын иликтөө жүргүзүү үчүн комиссия түзүүнү сунуштаган.
