20°
Кара-Кулжа районунун Буйга айылында кубаттуулугу 400 кВТч болгон «Буйга-1» чакан ГЭСи курулуп, ишке берилди. Бул тууралуу Ош облусундагы президенттин өкүлчүлүгү билдирди.
Маалыматка ылайык, долбоорду «Энерджи Буйга» ЖЧКсы ишке ашырды. Эске салсак, курулуш иштери жеке ишкер Рамис Ыдырысов тарабынан 2021-жылы башталып, 2023-жылы бүткөрүлгөн.
Учурда Кара-Кулжа районунун Чалма, Капчыгай айылдарын электр энергиясы менен камсыздоодо. Мындан сырткары, жакынкы мезгилдерде «Буйга-2» чакан ГЭСинин курулушун долбоорлоо иш-аракеттерин пландоодо.
