13°
Кыргызстандын футбол боюнча улуттук курама командасынын жарым коргоочусу Рауль Жалилов карьерасын Кыргыз премьер-лигасында ойноп жаткан «Дордой» клубунда улантат. Бул тууралуу Кыргыз футбол союзунан билдиришти.
2023-жылдын өтүп жаткан сезонунда Жалилов «Алга» ФК үчүн 12 беттеш өткөрүп жана 6 голдук пас берген. Буга чейин Рауль улуттук курама командада 2023-жылдын 25-мартында Мьянма менен болгон беттеште дебют жасап, анда 1 беттеш өткөргөн.
Дордой» Кыргызстандын 13 жолку чемпиону, Кыргыз Республикасынын Кубогунун 10 жолку, өлкөнүн Суперкубогунун 5 жолку жеңүүчүсү, андан сырткары, АФК президентинин Кубогунун 2 жолку жеңүүчүсү.
«Дордой» өткөн сезонду 4-орунду ээлеп жыйынтыктап, ошол эле учурда Кыргызстандын Суперкубогун жеңип алган.
