Быйылкы жылы Евробиримдик Кыргызстанга жалпы суммасы 11 миллион долларлык эки грант бөлөт. Бул тууралуу Каржы министрлиги билдирди.
Маалыматка ылайык, анын ичинен 3,3 миллион доллар же 293,7 миллион сому санариптештирүү секторун реформалоо программасынын алкагында берилери күтүлүүдө. Ал бюджеттик колдоо аркылуу Кыргызстанга колдоо көрсөтүү жана 2019-2023-жылдарга республиканы санариптештирүү жана трансформациялоо концепциясын ишке ашырууга көмөк көрсөтүү максатын көздөйт.
Ошондой эле, мектептик билим берүүнү реформалоонун алкагында Кыргызстан дагы 7,7 миллион доллар алат.
