Космоско чыгуу дагы эле популярдуулугун улантууда, бирок баштапкыдай көңүл бурулбайт. Анткени космоско учуу азыр коом тарабынан кадыресе эле көрүнүш катары кабыл алынат. Чындыгында Аполлон 11 жана 12ден кийин Айга конгон астронавттар да Америка элинин күн тартибинин эң түбүнөн орун ала баштады.
Космоско учкан ондогон космонавттардын арасында мусулмандар барбы? Бул суроо берилгенде, көпчүлүгү “менимче, жок” деген жоопту айтышы мүмкүн. Анткени космоско адам жибере турган технологияга ээ болгон мамлекеттердин бири да мусулман мамлекетинин статусуна ээ эмес. Бирок, болжолдонгондон айырмаланып, ушул убакка чейин 11 мусулман астронавт космоско чыгууга жетишкен.
Космоско аттанган 10 мусулман астронавттын биринчиси – Сауд Аравиянын азыркы королу, король Салмандын уулу Султан. 1985-жылы космоско учкан Султан бин Салман космоско чыккан биринчи мусулман жана араб болгон. Андан эки жылдан кийин гана сириялык Мохаммед Фарис космоско учуп, космосто биринчи жана жалгыз сириялык болуп калды. 2006-жылы Ануше Ансари космоско чыккан биринчи жана жалгыз мусулман аял болгон.
Буга чейин космоско учкан мусулмандар:
1- Султан бин Салман – Сауд Арабиясы – 1985-ж
2- Мохаммед Фарис – Сирия – 1987-ж
3- Муса Манаров – Азербайжан – 1987 / 1990
4- Абдул Ахад Мохманд – Афганистан – 1988
5- Токтар Аубакиров – Казакстан – 1991-ж
6- Талгат Мусабаев – Казакстан – 1994 / 1998
7- Шарипов Салижан – Кыргызстан – 1998 / 2004
8- Ануше Ансари – Иран – 2006
9- Шейх Мусзафар Шукор – Малайзия – 2007
10- Айдын Айымбетов – Казакстан – 2015
11- Хазза Аль Мансури – Бириккен Араб Эмираттары – 2019
