Эл аралык спорттук изилдөөлөр борбору (CIES Football Observatory) быйылкы сезондо мүмкүнчүлүк жараткан дүйнөнүн 100 мыкты футболчусунун рейтингин жарыялады.
Маалыматка ылайык, тизмени түзүүдө 90 мүнөттөгү негизги пастардын жана ойнолгон матчтардын саны эсептелген. Бул сезондо бир команда үчүн өз лигасында кеминде 630 мүнөт ойногон оюнчулар гана эсепке алынган.
Дүйнөдөгү эң креативдүү оюнчулардын рейтингин Лига 1де 11 матчта 4 ассистке ээ болгон Пари Сен-Жермендин вингери Усман Дембеле алды.
Экинчи орунда “Бавариянын” вингери Лерой Сане, үчүнчүдө “Атлетик Бильбаонун” оюнчусу Нико Уильямс.
Эң креативдүү 100 оюнчунун арасында дүйнө жүзү боюнча 33 лиганын өкүлдөрү болгон. Премьер-Лига эң кеңири чагылдырылган – 16 лига оюнчусу мыкты 100гө кирет.
CIES Football Observatory маалыматы боюнча сезондун эң креативдүү 10 оюнчусу төмөнкүдөй:
- Усман Дембеле (ПСЖ)
- Лерой Сане (Бавария)
- Нико Уильямс (Атлетик)
- Килиан Мбаппе (ПСЖ)
- Мусса Диаби (Астон Вилла)
- Мохамед Салах (Ливерпуль)
- Франк Хонорат («Боруссия Мёнхенгладбах»)
- Максимилиано Нуньес (Национал Потоси)
- Иньяки Уильямс (Атлетик)
- Магнус Эйкрем (Мольде).