25°
Жогорку Кеңеште бардык эле депутаттар мыйзам долбоорун жазалбайт. Мыйзам жазган саналуу гана депутат бар. Алардын бири Марлен Маматалиев “Сейсмикалык коопсуздукту камсыз кылуу жөнүндө” мыйзам долбоорун иштеп чыгып, коомдук талкууга койду. Аталган мыйзам долбоору зилзала учурунда калктын өмүрүн сактап калуу, имараттардагы зыянды азайтуу, жер титирөөлөрдүн кесепетинен пайда болгон экономикалык жана материалдык жоготууларды алдын алуу иш — чараларын камтыйт. Эми ыйгарым укуктуу мамлекеттик органдар сейсмалогиялык абал боюнча мониторинг жүргүзүп, көзөмөлгө алышы керек.
Маалыматта өлкөбүздүн 12 району сейсмикалык кооптуу аймакта жайгашкан делет. Алардын ичинде Бишкек шаары, Аламүдүн, Сокулук, Базар-Коргон, Ноокен, Сузак, Ош шаары, Араван, Кара-Суу, Өзгөн, Кадамжай жана Кочкор райондору бар.
