Бүгүн , 21-ноябрда “Кыргызстан-Оман” беттеши болот. Буга байланыштуу Бишкекте Дөлөн Өмүрзаков атындагы стадиондун аймагында унаа кыймылы үчүн убактылуу чектөө киргизилет. Бул тууралуу Милициянын кайгуул кызматынан билдиришти.
Ошентип, төмөнкү көчөлөрдө саат 14:00 до 22:00гө чейин убактылуу чектөө киргизилет:
Тоголок Молдо көчөсү — Чүй проспектисинен Фрунзе көчөсунө чейин;
Фрунзе көчөсү — Тоголок Молдо көчөсүнөн Панфилов көчөсүнө чейин.
Милициянын кайгуул кызматы айдоочуларды каттамды алдын ала тандоого жана мындай чараларга түшүнүү менен кароого чакырат.
Беттеш саат 19:00дө башталат.