Google компаниясынын жетекчилиги Кыргызстанга келет

Google компаниясынын жетекчилигинин өкүлдөрү Кыргызстанга биринчи жолу келет. Бул тууралуу маалымат Жогорку технологиялар паркынын сайтында жазылды.

Маалыматка ылайык,  Owlchemy Labs виртуалдык реалдуулук студиясынын башкы инженери Жаррид Хантли жана Google компаниясынын Борбордук жана Чыгыш Европадагы мобилдик оюндар боюнча жетектөөчү адиси Мариуш Гасевски Борбор Азия оюндарынын көргөзмөсүнө катышат.

Коноктор Жогорку технологиялар паркынын резиденттери тарабынан уюштурулуп жаткан Central Asia Games Show иш-чарасында спикер катары чыгышат. Конференция жана көргөзмө ушул жылдын 6-7-июлунда өтөт.