Түркиянын президенти Режеп Тайып Эрдоган ХАМАС кыймылын террордук уюм деп таануудан баш тартты. Анын айтымында, бул анын азыркы позициясы жана келечекте аны өзгөртүүгө ниети жок.
Түрк лидери ХАМАСтын мүчөлөрүн “1947-жылдан бүгүнкү күнгө чейин алар ээлеген бир ууч жерлерде согушуп жаткан адамдар” деп мүнөздөдү. Эрдоган Бириккен Улуттар Уюмунун Дубайдагы климаттын өзгөрүшү боюнча конференциясынан кайтып келе жатып «Мен ХАМАСты эч качан террордук уюм катары тааный албайм»,-деди.
