Президент УКМК төрагасы Камчыбек Ташиевди кайтарууну күчөткөнүн президенттин басма сөз катчысы билдирди.
“Улуттук коопсуздук боюнча мамлекеттик комитетинин төрагасынын аткарган милдеттерин эске алуу менен аны кайтаруу мурда эле күчөтүлгөн. Азыр андан да күчөтүлдү”, – деген Аскат Алагөзов.
Президенттин мындай чечими Камчыбек Ташиевдин кылмыштуу топторго каршы аёсуз күрөш жүргүзүп жатканы себеп болушу мүмкүн. Ал 4-ноябдан бери уюшкан кылмуштуу топтор, коррупциялык схемаларга тиешеси бар бир нече адамдарды ар кандай жазага кириптер кылды. Бул күрөштүн негизинде кримтөбөл Камчы Көлбаев өлтүрүлүп, Раим Матраимов баштаган коррупционерлер өлкөнү таштап, качып кетишкен.