21 жылга соттолду делген белгилүү агартуучу Анкарадагы Синжан түрмөсүнөн Кыргызстандыктарга салам жолдогон. Ал адилеттүүлүктү издөөгө багытталган күрөш эми башталганын жактоочусу аркылуу билдирген.
“Мен ар дайым Кыргызстанды эстейм. Кыялымда ар күн сайын окуучуларым, алардын ата-энелери, мугалимдер, достор жана тааныштарым менен эле жүрөм. Бул чечим акыркы чечим эмес. Кудай буюрса, актыгымды далилдейм. Элибиз “ак ийилет бирок, сынбайт” дейт. Мен бул керемет сөзгө терең ишенем. Сиздерди, Курман айт майрамы менен кызуу куттуктайм. Ар бириңиздерге үй-бүлөлүк бакыт каалайм”,- деген ал.
4-июнь күнү Анкара соту аны 21 жылга эркинен ажыраткан чечимин чыгарган.
