Россиянын борборуна кайрадан учкучсуз учактар чабуул коюшту. Бул боюнча Россия Федерациясынын Коргоо министрлиги жана Москва шаарынын мэри расмий билдирүүлөрдү жасашты. Ал эми Россиянын баш калаасынын жашоочулары социалдык тармактарда өзгөчө кырдаал болгон жерлерден тартылган кадрларды бөлүшүүдө.
Москванын мэри Сергей Собянин өзүнүн Telegram каналында Россия Федерациясынын борборунда учкучсуз учактардын соккулары катталганын тастыктады. “Бүгүн, таңкы саат төрттөр чамасында дрондун эки имаратка болгон соккусу катталды. Оор кыйроолор жана жабыркагандар жок. Бардык ыкчам кызматтар жеринде иштеп жатат”,-деп жазды Собянин.
