Жогорку Кеңештин депутаты Мирлан Самыйкожо мамлекеттик тууну өзгөртүү жөнүндө мыйзам долбоору парламентте биринчи окууда каралып жатканда анын ордуна “макул” добуш бергендигин айтты
“Эл менен жолугушууда жүргөм, бүгүн маселе кирбеш керек эле. Жашыруун түрдө, жасалма жол менен тууну алып кирип өткөрүп койдуңар. Менин ордума “макул” деп басып койдуңар, ким басып койсо да жооп бериши керек”, -деди
Ошондой эле эл өкүлү бул маселе референдум жолу менен чечилиши керектигин айтып, “ Бул эмне деген маскарапоздук, көз боёмочулук, эмне деген абийирсиздик. Элдин 90 пайызы каршы. Мындай болбойт. Көптөп кеттиңер, мейли…”, — деди Мирлан Самыкойжо.